കുങ്കുമസന്ധ്യകള്‍

Pagerank
Powered By Blogger

2013, ഏപ്രിൽ 17, ബുധനാഴ്‌ച

സ്ത്രീ...


മാരിവില്‍ മഞ്ജിമ പൂത്തു തളിര്‍ത്തുള്ള 
മാന്‍മിഴിയെന്തേ നിറഞ്ഞു പോയി ?

മോഹനകാന്തി വിളങ്ങിയ പൊന്മുഖം

മൂകമിരുളും പടര്‍ന്നു പോയി  !



ആരാണീയാരാമ ലാവാണ്യ ഭഞ്ജ കന്‍ ?

ആത്മാഭിമാനം കളഞ്ഞുവെന്നോ !

ആണിന്‍ പ്രഭാവമിരിപ്പതു നാരിതന്‍

ആത്മാനുരാഗത്തിന്‍ ബാന്ധവത്താല്‍ !



സീമന്തിനിയവള്‍ ഹേമന്ത മലരായി 

സുരലോകം തീര്‍ക്കും നിന്‍ പാതകളില്‍...

സായൂജ്യമേകിടും നിന്നാത്മ വീഥിയില്‍

സൌവര്‍ണ്ണമാക്കും സുഭാഷണത്താല്‍ ..



പൌരുഷമേറെ തിളങ്ങിടും പാരിതില്‍

പൂര്‍ണേന്ദു പോലവള്‍ പുഞ്ചിരിച്ചാല്‍

പാഷാണമേകിത്തളര്‍ത്തല്ലേയാമുഖം

പനിമതിയായി വിളങ്ങിടട്ടെ  !



വിങ്ങി കരഞ്ഞിടും കുഞ്ഞു നാളൊന്നില്‍ നിന്‍

വറ്റി വരണ്ടോരാ ചുണ്ടുകളില്‍

വീറോടെ സോമജം ഏകിയോരമ്മയെ

വിസ്മരിച്ചീടാന്‍ കഴിയുമെന്നോ ?



നാരിയവളനുനാദം നിന്‍ ഹൃത്തിന്റെ

നിരാമയന്‍ തന്ന വരപ്രസാദം !

നീറുമുള്‍ച്ചൂടിന്റെ വേപഥു നുകരുമ്പോള്‍

നിരാമയമാക്കീടും പാതകളെ ..



കനകം വിളയിക്കാനവള്‍ വേണം കൂടെ നിന്‍

കത്തുമീ പ്രാരാബ്ധ  വീഥികളില്‍...

കുഞ്ഞിളം പെങ്ങളായമ്മയായ് സഹജയായ് 

കാന്തി ചൊരിയുന്ന ദീപമായി !



തരളിത മോഴിയാലെ വന്നിടും 'സീത'യായ് 

തേന്‍മൊഴിയാല്‍ വരും 'ആയിഷ'യായി  

തിക്തത നീക്കിടും 'കന്യാ മറിയ'മായ്

തീര്‍ക്കല്ലേ 'കണ്ണകി'യാക്കിവളെ ...!

3 അഭിപ്രായങ്ങൾ:

  1. ആരാണീയാരാമ ലാവാണ്യ ഭഞ്ജ കന്‍ ?
    ആത്മാഭിമാനം കളഞ്ഞുവെന്നോ !
    ആണിന്‍ പ്രഭാവമിരിപ്പതു നാരിതന്‍
    ആത്മാനുരാഗത്തിന്‍ ബാന്ധവത്താല്‍ !

    nice ..nice..

    മറുപടിഇല്ലാതാക്കൂ

പ്രചോദനത്തിനായി എന്തെങ്കിലും രണ്ടു വാക്ക് പറയണേ...