കുങ്കുമസന്ധ്യകള്‍

Pagerank
Powered By Blogger

2013, ജൂലൈ 22, തിങ്കളാഴ്‌ച

ഇനിയെത്ര നാൾ-ഹൈക്കു കവിതകൾ




പിണക്കീടൊല്ലൊരുമ്പെട്ട പെണ്ണിനേയും
ചാനൽ മുതലാളിയേയും
രണ്ടും തകർത്തിടും നിൻ ജീവിതം !
................................................
കനവിന്റെ കടലാസ്സു തോണിയിൽ
മിഥ്യയാകുന്ന പങ്കായവുമായി
ഇല്ലാത്ത സമുദ്രത്തിലൂടെ..ഇനിയെത്ര നാൾ !?
................................................
രാവ് ആഘോഷിക്കാൻ അയാൾ കാട്ടിൽ..
മാനുകളിലൊന്നിനു,മുമ്പ് കുടിച്ച അമ്മിഞ്ഞയുടെ മണം
ചില മാനുകൾ പൊക്കിളുമായി ബന്ധിപ്പിച്ചിരുന്നു ..
................................................
സൂര്യൻ ചോര തുപ്പി മരിച്ചത്
ചന്ദ്രന് വഴിയൊരുക്കാനായിരുന്നു..
എന്നിട്ടും ചന്ദ്രന്റെ അഹങ്കാരം കണ്ടില്ലേ !
................................................
അവൾ ചന്ദ്രോപരിതലത്തെക്കുറിച്ചുള്ള പഠനത്തിൽ..
അവൻ: ‘ എത്ര സുന്ദരിയാണ് നീ;പൂർണേന്ദു മുഖി ‘
അവൾ മുഖമടച്ചൊരടി കൊടുത്തു: ‘ അപമാനിക്കുന്നോ ‘ !?
...............................................
ഇന്നലെ-ആടി തിമർക്കുകയായിരുന്നു ..
ഇന്ന്-വെള്ളത്തുണിയിൽപ്പൊതിഞ്ഞു;നിശ്ചലമായി..
നാളെ-പുഴുക്കളുടെ ഭക്ഷണം..
..............................................
മേഘങ്ങളിൽ അണകെട്ടി നിർത്തിയ കണ്ണുനീർ
മഴയായ് താഴേക്കു പതിച്ചത്
ഭൂമിയുടെ ദാഹം കണ്ടിട്ടായിരുന്നു..
..............................................
ഭൂമിയുടെ കറക്കമറിയാൻ അതിനു പുറത്ത് പോകണം
പ്രണയരാഹിത്യത്തിൽ നിന്നാണ് പ്രണയമറിയുന്നത്
അനുഭവിക്കുന്നവൻ ഒന്നും അറിയുന്നില്ല ...!
..............................................
കീഴടക്കിയ രാജ്യത്തേക്കാൾ
കീഴടക്കാനുള്ള രാജ്യമാണ്
ചക്രവർത്തിക്ക് ഇഷ്ടവും,കൌതുകവും..
.............................................
അറിവ് തിരിച്ചറിയാത്ത ബുദ്ധിമാനും
അജ്ഞത തിരിച്ചറിയാത്ത വിഡ്ഢിയും സമം !
വിഡ്ഢിയെന്ന തിരിച്ചറിവുള്ളവൻ ബുദ്ധിമാൻ
...............................................
പാടാത്ത പാട്ടിൻ ജനിക്കാത്ത നാദത്തെ
വാടാത്ത പൂവിൻ നെഞ്ചിലൊളിപ്പിച്ചു
സ്മൃതികളിൽ മധുരമായൊഴുകിടാം ഞാൻ !

...............................................
 
ഉടുതുണിയഴിഞ്ഞു വീണ
രാത്രിയുടെ നാണം മറക്കാൻ
പ്രഭാതമൊരു കോടമഞ്ഞിൻ വസ്ത്രമേകി

4 അഭിപ്രായങ്ങൾ:

പ്രചോദനത്തിനായി എന്തെങ്കിലും രണ്ടു വാക്ക് പറയണേ...