കുങ്കുമസന്ധ്യകള്‍

Pagerank

2014, ഏപ്രിൽ 16, ബുധനാഴ്‌ച

ബാല്യത്തിൻ പൂമരം


അല്ലലിൽ പൂത്തൊരാ ബാല്യത്തിൻ പൂമരം 
ഏകിയ സൗഗന്ധം പിന്നെങ്ങും കിട്ടീല 
*******************************
ഓർമകളുടെ ശവക്കല്ലറയിലെന്നെ അടക്കൂ 
ബാല്യം പൂത്ത ഇന്നലെകളിലേയ്ക്കു ജനിക്കട്ടേ 
*******************************
കാലമേ..കാണിക്ക വെക്കുന്നു ഇന്നിൻ സമൃദ്ധികൾ
തരിക തിരികെയെൻ ബാല്യസാമ്രാജ്യം 
******************************
ചിറകു മുളച്ച ബാല്യമൊരു പൂത്തുമ്പിയായ്
ചിറകൊടിഞ്ഞ തുമ്പിയൊരു സ്മാരകമായ് 
****************************
നടന്നു മറഞ്ഞവരനവധിയിതുവഴി 
കാൽപാടുകൾ പതിഞ്ഞവരോയിത്തിരി
*****************************
പുറമേയ്ക്ക് ശാന്തമായിട്ടഭിനയിക്കും 
ഇടയ്ക്കിടെ കരയിൽവന്നു തല തല്ലിക്കരയും -
പാവം കടൽ
****************************
കരൾ പകുത്തുനൽകിയിട്ടും 
കൂടൊഴിഞ്ഞ സൗഹൃദങ്ങൾ 
അകറ്റിമാറ്റിയിട്ടും വാലാട്ടിക്കൊണ്ടൊരു നന്ദി
*****************************
അഴുക്കെത്രയാകിലും 
കരങ്ങളുണ്ടു വൃത്തിയാക്കാൻ-
ഒരു വസ്ത്രത്തിന്റെ ധാർഷ്ട്യം തുടരുന്നു

2 അഭിപ്രായങ്ങൾ:

  1. നടന്നു മറഞ്ഞവരനവധി- യിതുവഴി കാൽപാടുകൾ പതിഞ്ഞവരോയിത്തിരി.
    നന്നായിരിക്കുന്നു രചന
    ആശംസകള്‍

    മറുപടിഇല്ലാതാക്കൂ

പ്രചോദനത്തിനായി എന്തെങ്കിലും രണ്ടു വാക്ക് പറയണേ...