നുറുങ്ങുകൾ

കടുകുമണിയോളം പൊന്നു കൊടുത്തു
അവനൊരു 'രതിയന്ത്രം'വാങ്ങി-
പൊന്നിൽ തീർത്തത്
***********************
കാഴ്ചയും മാഞ്ഞുപോയ്‌ കേൾവിയും  മാഞ്ഞുപോയ്‌
ഓർമവിളക്കു കരിന്തിരി കത്തുന്നു
*************************
ജീവിതം-പാട്ടറിയുന്നവനു മധുരരാഗം
അല്ലാത്തവനു കഴുതരാഗം
***********************
ചോരതുപ്പി സൂര്യൻ മരിക്കുന്നതു കണ്ടുപേടിച്ച പകൽ
രാത്രിയുടെ ദാവണിയ്ക്കുള്ളിലൊളിച്ചു
**********************
അറവുമാടുകൾ
വീണ്ടും പുറപ്പെടുന്നു
യജമാനന്റെ വാളിനു മൂർച്ച കൂട്ടാൻ
***********************
ചന്ദ്രികപ്പാൽ തുളുമ്പി വീണു
കറപിടിച്ച സാരിയുമായി നിഴൽ
***************************
ഓടിത്തളർന്ന പകലിനെ
കരിമ്പട്ടുകൊണ്ടു പുതച്ചു കിടത്തി-രാത്രി
****************************
പാമ്പ് ,പടമഴിച്ചു വനനിഗൂഢതകളിലേയ്ക്കു മറഞ്ഞപ്പോൾ
പടവും ചുമലിലേന്തി പുളിയുറുമ്പുകൾ
**************************
ആയുധമില്ലാതെ
പോരാടേണ്ടി വന്നവന്റെ കഥയുംപറഞ്ഞു
രുധിരപാനം നടത്തുന്നതിനിടെ ഈച്ചകൾ ...