കുങ്കുമസന്ധ്യകള്‍

Pagerank

2014, ജൂലൈ 5, ശനിയാഴ്‌ച

നന്ദികേടിലേയ്ക്കു പടിയിറങ്ങും മുമ്പ് ..

ഗർഭാശയ ഭിത്തികളിൽ 
നീ നിഷ്കരുണം ചവിട്ടിയപ്പോൾ 
കണ്ണിലൂറി കൂടിയ 
നൊമ്പരത്തുള്ളികളിൽ 
കിനാവിന്റെ വിത്തുകളുണ്ടായിരുന്നു 

രക്തം രക്തത്തെ 
ഉമ്മ വെച്ചപ്പോൾ 
സ്നേഹനീരടിഞ്ഞു കൂടിയ 
മാറിടം 
പെയ്യാനായ് വിതുമ്പി നിന്നു 

കാക്കയ്ക്കും പരുന്തിനും കൊടുക്കാതെ 
തകർച്ചയ്ക്കും പതർച്ചയ്ക്കും 
വഴിയൊരുക്കാതെ 
പറക്കമുറ്റുന്നതു വരെ 
കൂടെ നിന്നു 

ഇനി 
നന്ദികേടിലേയ്ക്കു 
പടിയിറങ്ങും മുമ്പു 
ഈ 'പൊരുന്നുയന്ത്രത്തെ '
ആക്രിക്കടയിലേൽപ്പിക്കുക 

2 അഭിപ്രായങ്ങൾ:

പ്രചോദനത്തിനായി എന്തെങ്കിലും രണ്ടു വാക്ക് പറയണേ...