കുങ്കുമസന്ധ്യകള്‍

Pagerank
Powered By Blogger

2014, ജൂൺ 7, ശനിയാഴ്‌ച

നിനക്കു ഞാനാരായിരുന്നു ..?

നിന്റെ വാക്കു പൊട്ടിത്തെറിച്ചു
മാരകമായി മുറിവേൽക്കും മുമ്പു
ഈ നാക്കു ഞാൻ പിഴുതെടുക്കട്ടേ

നിന്റെ ഒളികണ്ണിട്ടു നോട്ടങ്ങളിൽ
നഗ്നയാക്കപ്പെടും മുമ്പു
ഈ കണ്ണുകൾ ചൂഴ്ന്നെടുക്കട്ടേ

തേൻപുരട്ടിയ പുഞ്ചിരിമുള്ളുകളേറ്റു ശിലയായുറയ്ക്കും മുമ്പു
ഈ ചുണ്ടുകൾ അരിഞ്ഞെടുക്കട്ടേ


അവസാനം, ചേതനയറ്റ
നിന്റെ നെഞ്ചിൻകൂടിന്മേൽ
ഞാനൊരു  മെഴുകുതിരി കത്തിച്ചു വെക്കും

നിന്റെ ആത്മാവു
വന്നതു  കൊത്തിപ്പറന്നു
കെട്ടുപോയ നക്ഷത്രങ്ങൾക്കു പകരട്ടേ


നിന്റെ കാലടികൾക്കുള്ളിൽ 
ഞെരിഞ്ഞമരുന്ന ചവറാകും മുമ്പു
ഇത്രയെങ്കിലും ഞാൻ ചെയ്തിരിക്കണം

കാരണം,
നിന്നെ ഞാൻ അത്ര മേൽ സ്നേഹിക്കുന്നു





2 അഭിപ്രായങ്ങൾ:

പ്രചോദനത്തിനായി എന്തെങ്കിലും രണ്ടു വാക്ക് പറയണേ...