കുങ്കുമസന്ധ്യകള്‍

Pagerank

2013, ജൂൺ 21, വെള്ളിയാഴ്‌ച

നീയും ഞാനും




അലയുന്ന കടലിന്റെ
പതറുന്ന ചുണ്ടിലെ
തകരുന്ന പാട്ടായി നീ 


പൊരിയുന്ന വെയിലിന്റെ
എരിയുന്ന മനസ്സിലെ
കരിയുന്ന കനവായി ഞാന്‍

ഉരുകുന്ന മഞ്ഞിന്റെ
പിടയുന്ന ഓർമയിൽ
ഉണരുന്ന കുളിരായി നീ

ചൊരിയുന്ന തേന്മഴ
പകരുന്ന ഹർഷങ്ങൾ
തിരയുന്ന വേഴാമ്പൽ ഞാൻ

ഇടറുന്ന നെഞ്ചിലായ്
പടരുന്ന ചിന്തയിൽ
പുകയുന്ന കാറ്റായി നീ

ഒഴുകുന്ന പുഴയിലെ
അഴുകാത്ത ശവമായി
തുഴയുന്നു പിന്നെയും ഞാന്‍

ചുവക്കുന്ന സന്ധ്യയില്‍
കുതിക്കുന്ന മോഹമായ്
കിതക്കുന്ന രാത്രികള്‍ നീ

തിളക്കുന്ന ലാവയില്‍
തുടിക്കുന്ന നെഞ്ചുമായ്
തകരുന്ന പര്‍വ്വതം ഞാന്‍.

2 അഭിപ്രായങ്ങൾ:

പ്രചോദനത്തിനായി എന്തെങ്കിലും രണ്ടു വാക്ക് പറയണേ...