കുങ്കുമസന്ധ്യകള്‍

Pagerank
Powered By Blogger

2013, ഒക്‌ടോബർ 28, തിങ്കളാഴ്‌ച

ഒരു വൃക്ഷത്തിന്റെ ഗദ്ഗദങ്ങൾ













വാസന്തകോകിലം വന്നു വിളിച്ചപ്പോൾ
ചാരുലതകളിളകിയാടി

നീയാകുംവല്ലിയെൻ തനുവിൽ പടർന്നപ്പോൾ
ചില്ലകളാനന്ദ നൃത്തമാടി

നിൻകരലാളനമേറ്റപ്പോളെൻ കരൾ
കുളിർകോരി മെല്ലെക്കുണുങ്ങി നിന്നു

ആനന്ദവർഷങ്ങൾ ,സന്തോഷഹർഷങ്ങൾ 
പൂക്കാലം തലയിൽ ഞാനേറ്റിനിന്നു

കുഞ്ഞുണ്ണികൾ പൂവിൽ നിന്നുമുയിർക്കൊണ്ടു
അതുപിന്നെ മധുരഫലങ്ങളായി

ആയിരമായിരം കിളികളെൻ ശിഖരത്തിൽ
കൂടുകൂട്ടിക്കൊണ്ടു  പാട്ടു പാടി

ഞാനാംമരത്തിനെ വാരിപ്പുണർന്നൊരു 
വല്ലീ, നീ ഊറ്റിയെൻ മജ്ജയെല്ലാം

അന്നെൻകനവുകൾ  മൊത്തിക്കുടിച്ചുക്കൊ-
ണ്ടെങ്ങു പോയെങ്ങു പോയ്‌ നീ മറഞ്ഞു 

ചോണനുറുമ്പുകൾ നെഞ്ചിലെരിത്തീയായ്,
കരളിൻ കിനാക്കളടർത്തി മാറ്റി

ശീതക്കാറ്റെനുടെ താരുണ്യമൊക്കെയും
ശീതീകരിച്ചെങ്ങൊ പാഞ്ഞു പോയി 

ഉഷ്ണക്കാറ്റെനുടെ ഹൃദയകവാടങ്ങൾ
ഊഷരമാക്കി കടന്നു പോയി

അന്നെൻശിഖരത്തിൽ കൂടുകൂട്ടാൻ വന്ന
കിളികളിന്നില്ല ;യുറുമ്പുമില്ല

അന്നെന്നിൽ താരുണ്യം വാരി വിതറിയ 
വാസന്തവുമെന്നെയറിയാതായി

ഉണങ്ങിയിക്കൊമ്പുകൾ,ജീർണ്ണിച്ചു വേരുകൾ 
ഇലകളെല്ലാം വാടി വീണു പോയി

ആരുടെയൊക്കെയോ ചിതയിലെരിയുവാ-
നായി വിധിച്ചൊരു പാഴ്ത്തടി ഞാൻ !

                     

6 അഭിപ്രായങ്ങൾ:

  1. ഇത്രയേയുള്ളു ജീവിതവും...
    നന്നായി എഴുതി.
    ആശംസകള്‍

    മറുപടിഇല്ലാതാക്കൂ
  2. എഴുതിക്കൊണ്ടേയിരിക്കുക...
    എഴുത്തു നന്നാവാൻ ബ്ലോഗുപോലെ നല്ല മാധ്യമം വേറെയില്ല. വായനാക്കരെ ലഭിക്കുവാനും...

    മറുപടിഇല്ലാതാക്കൂ
  3. nice one.oru abhiprayam paranjal kuzhappamillallo?chila vakkukal thalathinu thadassamakunnathupole thonnunnu.ente thonnalavam.athukoodi sariyayal iniyum nallathavum enne uddeshichullu

    മറുപടിഇല്ലാതാക്കൂ
  4. thankalude nalla abhipraayangalkku nandi samitha...paadukayaanemkil nammukku thaalam neettikkurukki shariyaakkamallo...chila minikku panikal nadathiyaal ithu manariyaakkaam....pakshe vritha nibandhana sweekarichittilla...thankalude nalla abhipraayam sweekarikkunnu samitha...

    മറുപടിഇല്ലാതാക്കൂ

പ്രചോദനത്തിനായി എന്തെങ്കിലും രണ്ടു വാക്ക് പറയണേ...