കുങ്കുമസന്ധ്യകള്‍

Pagerank
Powered By Blogger

2015, ഡിസംബർ 29, ചൊവ്വാഴ്ച

ഹേ..ഡിസംബർ,വിതുമ്പുന്നതെന്തേ ?


ഹേ,ഡിസംബർ...
മരണശയ്യയിൽ കിടന്നു
വിതുമ്പുന്നതെന്തേ ?

തകർന്ന കുഞ്ഞു കന്യാചർമ്മങ്ങൾ
പടർത്തിയ ചോരച്ചുവപ്പുകളിൽ നിന്ന്
സ്ത്രീകൾ ഒറ്റയ്ക്കു  സഞ്ചരിക്കുന്ന
നിർഭയ സഞ്ചാരപഥങ്ങൾ
സ്വപ്നം കണ്ട മഹാനിലേയ്ക്കുള്ള
ദൂരമളക്കുകയാണോ ?

ജീവിത്യാഗങ്ങൾക്ക്
കയ്യടിക്കാൻ മറന്ന നാട്ടിൽ
ഇരുട്ടടിയുടെ ചമ്മട്ടിപ്രഹരമേറ്റു
വീണ്ടും വീണ്ടും രക്തസാക്ഷികളാകേണ്ടി
വന്നവരുടെ ഗതികേട് ഓർത്താണോ ?

ശൈത്യ നിദ്രയിൽ നിന്ന്
കൊക്കൂണ്‍ പൊട്ടിച്ചു വരുന്ന
വരണ്ട തത്വശാസ്ത്രങ്ങൾ
ജീവവായുവിൽ വിഷം ചീറ്റുന്നത് കണ്ടാണോ ?

മഹിതചിന്തകളുടെ
താളിയോലക്കെട്ടുകളിൽ
വിഷലിഖിതങ്ങൾ ചേർത്ത്
വില്പനയ്ക്ക് വെച്ചവന്റെ
മുന്നിലെ ആൾക്കൂട്ടത്തെ കണ്ടാണോ ?

കള്ളന്മാരുടെ കയ്യടക്കത്തിൽ
കാലിയായ  ഖജനാവുകൾ
വറുതിപ്പാട്ടുകൾ പാടുമ്പോൾ
താളം പിടിക്കുന്ന ദുർബലന്റെ
ദുർവിധിയോർത്ത് സങ്കടപ്പെടുകയാണോ ?

ഹേ...ഡിസംബർ
സമാധാനിക്കുക..
ഉരുണ്ടു കൂടിയ
ഭീതിദ മേഘങ്ങൾക്കു പിറകിൽ
നിർമ്മലാകാശമുണ്ട്

ഏവർക്കും പുതുവത്സരാശംസകള്‍

3 അഭിപ്രായങ്ങൾ:

പ്രചോദനത്തിനായി എന്തെങ്കിലും രണ്ടു വാക്ക് പറയണേ...