'വിരിയും മുമ്പു വാടല്ലേ '-
എന്നൊരു പ്രാർത്ഥനയിലാണ്
ഉദ്യാനത്തിലെ പൂമൊട്ടുകൾ
കാവൽവേലിയുടെ
കൂർത്ത മുള്ളുകളേറ്റു
ചോര വാർന്നു
കിടപ്പുണ്ടൊരു കുഞ്ഞുപൂവ്
വേലിയുടെ അട്ടഹാസങ്ങളിൽ
പതഞ്ഞു തീരുന്ന
ഉദ്യാനനിലവിളികൾ
അശാന്തിയുടെ മാനത്തു
കരിമുഖിലുകളായി ഉരുണ്ടു കൂടുന്നുണ്ട് ....
പൂമ്പാറ്റകളും പൂത്തുമ്പികളും
നൃത്തമാടുന്ന ഉദ്യാനം
മരിച്ചു പോയ
ഏതോ കവിയുടെ സ്വത്താണ്
മുകളിൽ
വട്ടമിട്ടാർക്കുന്ന ശവംതീനിപ്പക്ഷികൾ
താഴെ
അതിജീവനത്തിനായുള്ള ചിറകടികൾ
ഇനിയും മരിക്കാത്ത പൂക്കളുടെ
നെഞ്ചിനുള്ളിലെ തിളയ്ക്കുന്ന ദ്രവം
ഭീതി നിറഞ്ഞൊരു ഓർമപ്പെടുത്തലാണ് ...
ഉദ്യാനത്തിലെ പൂമൊട്ടുകൾ
കാവൽവേലിയുടെ
കൂർത്ത മുള്ളുകളേറ്റു
ചോര വാർന്നു
കിടപ്പുണ്ടൊരു കുഞ്ഞുപൂവ്
വേലിയുടെ അട്ടഹാസങ്ങളിൽ
പതഞ്ഞു തീരുന്ന
ഉദ്യാനനിലവിളികൾ
അശാന്തിയുടെ മാനത്തു
കരിമുഖിലുകളായി ഉരുണ്ടു കൂടുന്നുണ്ട് ....
പൂമ്പാറ്റകളും പൂത്തുമ്പികളും
നൃത്തമാടുന്ന ഉദ്യാനം
മരിച്ചു പോയ
ഏതോ കവിയുടെ സ്വത്താണ്
മുകളിൽ
വട്ടമിട്ടാർക്കുന്ന ശവംതീനിപ്പക്ഷികൾ
താഴെ
അതിജീവനത്തിനായുള്ള ചിറകടികൾ
ഇനിയും മരിക്കാത്ത പൂക്കളുടെ
നെഞ്ചിനുള്ളിലെ തിളയ്ക്കുന്ന ദ്രവം
ഭീതി നിറഞ്ഞൊരു ഓർമപ്പെടുത്തലാണ് ...
